റിപ്പബ്ലിക് ദിനാഘോഷവുംകേരള രഞ്ജി ക്രിക്കറ്റ് താരങ്ങള്‍ക്ക് സ്വീകരണവും നടത്തി

തളങ്കര (www.evisionnews.in): രാജ്യത്തിന്റെ അറുപത്തി ആറാം റിപ്പബ്ലിക് ദിനം ബ്ലൈസ് തളങ്കര അതിവിപുലമായ രീതിയില്‍ ആഘോഷിച്ചു. മുനിസിപ്പല്‍ ചെയര്‍മാന്‍ ടി.ഇ.അബ്ദുല്ല പതാക ഉയര്‍ത്തി. കേരള രഞ്ജി ക്രിക്കറ്റ് താരങ്ങളായ സച്ചിന്‍ ബേബി (ക്യാപ്ടന്‍) , റൈഫി വിന്‍സെന്റ് ഗോമസ് , അമിത് വര്‍മ്മ , നിഖിലേഷ് സുരേന്ദ്രന്‍ എന്നിവര്‍ക്ക് ക്ലബ്ബില്‍ സ്വീകരണം നല്‍കി.

ബ്ലൈസ് തളങ്കരയുടെ ക്രിക്കറ്റ് ടൂര്‍ണ്ണമെന്റുകളിലേക്കുള്ള ജേഴ്‌സി രഞ്ജി താരങ്ങള്‍ പ്രകാശനം ചെയ്തു. ക്ലബ്ബിലെ സന്ദര്‍ശക റെജിസ്റ്റെറില്‍ ആശംസകള്‍ എഴുതിയാണ് താരങ്ങള്‍ ക്ലബ്ബില്‍ നിന്നും ഇറങ്ങിയത്.

സമസ്ത പൊതുപരീക്ഷയില്‍ ഏഴാം തരത്തില്‍ റാങ്ക് നേടിയ മുബീന നിഷ്മയ്ക്ക് മുനിസിപ്പല്‍ സ്റ്റാന്‍ഡിംഗ് കമ്മിറ്റി ചെയര്‍മാന്‍ അബ്ബാസ് ബീഗം ഉപഹാരം നല്‍കി. ഗിന്നസ് വേള്‍ഡ് റെക്കോര്‍ഡ് ഉടമ തൃശ്ശൂര്‍ നസീറിന്റെ കലാപരിപാടികള്‍ ചടങ്ങില്‍ അരങ്ങേറി. നൗഫല്‍ തായല്‍ , സിദ്ദീഖ് ചക്കര , ത്വല്‍ഹത്ത് , സുബൈര്‍ , അജ്മല്‍ ടാസ്സ് , അനസ് കണ്ടത്തില്‍ , ഹാരിസ് , ആഷിക്, കാദര്‍ , നവാസ് പ്രസംഗിച്ചു.

തുടര്‍ന്ന് ബ്ലൈസ് പ്രീമിയര്‍ ലീഗ് വിജയികളായ ബ്ലൈസ് സ്റ്റാലിയന്‍സിന്റെ വിജയാഘോഷത്തിന്റെ ഭാഗമായി മുഴുവന്‍ പ്രവര്‍ത്തകര്‍ക്കും ഭക്ഷണം വിതരണം ചെയ്തു .

Keywords: Thalangara-cricket