കുഞ്ചത്തൂരില്‍ ബൊലറോ ജീപ്പിന് തീയിട്ടു

മഞ്ചേശ്വരം: (www.evisionnews.in)

വീട്ട് മുറ്റത്ത് നിര്‍ത്തിയിട്ട ബൊലറോ ജീപ്പ് അക്രമികള്‍ തീയിട്ട് നശിപ്പിച്ചു. കുഞ്ചത്തൂര്‍ സന്നടുക്കയിലെ ജലീലിന്റെ വീട്ട് മുറ്റത്ത് നിര്‍ത്തിയിട്ടിരുന്ന ജീപ്പിനാണ് തീവെച്ചത്.

ചൊവ്വാഴ്ച പുലര്‍ച്ചെ ശബ്ദം കേട്ട് ഉണര്‍ന്ന വീട്ടുകാരും സമീപവാസികളും ഉടന്‍ തീയണക്കാന്‍ ശ്രമിച്ചുവെങ്കിലും ഭാഗികമായി കത്തിയിരുന്നു. രണ്ട് ലക്ഷത്തോളം രൂപയുടെ നഷ്ടം സംഭവിച്ചതായി പോലീസ് പറഞ്ഞു.
ജീപ്പ് കൊല്ലം സ്വദേശി സുലൈമാന്റെ ഉടമസ്ഥതയിലാണ് ഉള്ളത്. സുലൈമാനും ജലീലും ബിസിനസ് പാര്‍ടണര്‍മാരാണ്. സുലൈമാന്‍ കാസര്‍കോട്, മംഗലാപുരം ഭാഗങ്ങളില്‍ എത്തിയാല്‍ ഇവിടെയാണ് ജീപ്പ് നിര്‍ത്തിയിടാറ്. മഞ്ചേശ്വരം പോലീസ് സ്ഥലത്തെത്തി അന്വേഷണം ആരംഭിച്ചു.

Keywords: Bolaro Jeep, Kunchathoor, Sannadukka, Sulaiman, Jaleel